Semeıde 30 jastaǵy áıelden 18 mln teńgeniń esirtkisi tárkilendi
SEMEI. KAZINFORM – Semeı qalasynda esirtki saýdasymen aınalysqan áıelden 18 mln teńgeniń esirtkisi tárkilendi.
Oblystyq Polıtsııa departamenti baspasóz qyzmetiniń málimetine súıensek, tártip saqshylary 30 jastaǵy áıeldiń jalǵa alynǵan páterine tintý júrgizdi. Sonyń nátıjesinde, edende jatqan sómkeniń ishinen bes polımerli orama bar kosmetıka salatyn sómkeshe, tarazy, qasyq, buraǵysh, bos zip-lock paketteri, qaıshy men qara lenta tabyldy.
- Saraptama qorytyndysy tárkilengen zattyń mefedron-psıhotropty zaty, metkatınonnyń (efedronnyń) analogy ekenin kórsetti. Onyń jalpy salmaǵy 383,65 grammdy qurady, bul 1200 dozaǵa teń. Qara naryqtaǵy baǵasy - shamamen 18 mln teńge, - delingen aqparatta.
30 jastaǵy kúdikti áıel psıhotroptyq zatty saqtaý jáne iri kólemde taratýǵa qatysy bar ekenin moıyndady. Sotqa deıingi tergeý amaldary bastaldy. Qazirgi ýaqytta ol ýaqytsha ustaý ızolıatoryna qamaldy.
Eske salsaq, buǵan deıin elordada esirtki taratýshydan asa iri kólemde gashısh maıy tárkilengeni habarlanǵan.