Semeıde 30 epızodqa qatysy bar alaıaq ustaldy
SEMEI. QazAqparat - Semeıde 30 epızodqa qatysy bar alaıaq ustaldy. Jalpy shyǵyn kólemi 1 mln teńgeden asady, dep habarlaıdy QazAqparat tilshisi.
Aǵymdaǵy jyldyń maýsym-qazan aılarynda Ortalyq PB kezekshi bólimine turǵyn úılerden, saýda oryndarynan urlyq jasalǵany týraly qala turǵyndarynan, jeke kásipkerlerden birneshe ótinishter túsken. Budan basqa belgisiz er adam alaıaqtyq jolmen múlikterin ıemdenip alǵany týraly bes azamat ótinish jazǵan. Búgingi kúni barlyǵy 30 epızod anyqtaldy, jalpy shyǵyn kólemi 1 mln teńgeden artyq.
Jedel izdestirý sharalary kezinde ortalyq polıtsııa bóliminiń qyzmetkerleri Prırechnyı aýylynyń 43 jasar turǵynyn ustady. Qazir polıtsııa qyzmetkerleri urlanǵan zattardy satqan oryndardy anyqtaýda. Urlanǵan zattardyń jartysy tabylyp, ıelerine qaıtaryldy.
«Kúdikti shilde aıynyń sońynda Chehov kóshesi mekenjaıynda ornalasqan dúkenniń mańynda qaraýsyz qalǵan úsh qorap qyzanaqty urlap, 9000 teńge shyǵyn keltirgen. 1 tamyz kúni Polkovnıchıı aralynda qaraýsyz qalyp qoıǵan «Stels» jáne «Harleı» markili eki velosıpedin urlap ketken. Shyǵyn kólemi 136000 teńge. Sondaı-aq, 20 qyrkúıek kúni Chehov kóshesindegi jemis-jıdek bazarynyń mańynda turǵan «Gazel» avtokóligine ashyq qalǵan esik arqyly kirip, quny 151 000 teńge turatyn «IPhone 6» uıaly telefonyn urlaǵan. Sonymen qatar, shilde aıynyń sońynda arzan baǵamen eki qorap jumyrtqa ákelip beremin dep alaıaqtyq jolmen 10800 teńgeni alyp ketken. Kelesi alaıaqtyq áreketinde ol habarlasyp alýǵa surap, qaıtarmaı qala turǵynynyń «Samsung» uıaly telefonyn qoldy qylǵan», - delingen Semeı qalalyq ІІB baspasóz qyzmeti taratqan aqparatta.
