Semeıde 29 jastaǵy jigittiń garajynan qarý-jaraq arsenaly tabyldy
SEMEI. QazAqparat - Semeı turǵynynan qarý-jaraq arsenaly tárkilendi, dep habarlaıdy QazAqparat.
Semeı qalasynda «Quqyqtyq tártip» respýblıkalyq jedel aldyn alý sharasy júrip jatyr.
Onyń aıasynda 29 jastaǵy er adamnyń garajynan 16 kalıbrli «ZK» jáne «IJ» markaly eki tegis uńǵyly myltyq, sondaı-aq 5,6 mm kalıbrli «Straj» modeliniń sıgnaldyq revolverinen turatyn qarý-jaraq arsenaly tabyldy.
Qazir tártip saqshylary atalǵan azamattyń bul qarýdy qandaı maqsatta saqtaǵanyn anyqtap jatyr.
«Qazirgi ýaqytta atalǵan fakti boıynsha QR QK-niń 287-baby 3-bóligi boıynsha sotqa deıingi tergeý bastaldy. Onyń sanktsııasy 5 jylǵa deıingi merzimge bas bostandyǵynan aıyrý túrindegi jazany kózdeıdi», - deıdi ShQO PD bastyǵynyń orynbasary, polıtsııa polkovnıgi Talǵat Shaıahmetov.
Quqyqtyq tártip pen azamattardyń qaýipsizdigin qamtamasyz etý sharalary jalǵasyp jatyr.
