Semeıde 24 jastaǵy boıjetken tórtinshi qabattyń terezesinen qulap ketti
SEMEI. QazAqparat – Semeı qalasynda 24 jastaǵy qyz tórtinshi qabattyń terezesinen qulap ketti, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, oqys oqıǵa búgin Semeı qalasyndaǵy Zataevıch kóshesinde bolǵan.
«1996 jyly týǵan qyz 4-qabattyń terezesinen abaısyzda qulap ketti. Qurbysynyń aıtýynsha, jazataıym oqıǵa terezelerdi jýyp jatqan kezde bolǵan. Oqıǵa ornyna dereý kelgen oblystyq TJD jedel qutqarý jasaǵynyń qyzmetkerleri arnaıy jabdyqtyń kómegimen zardap shegýshini túsirip, jedel járdem dárigerlerine tabystady», - dep habarlady vedomstvo ókilderi.
Belgili bolǵandaı, qazir qyzdyń jaǵdaıy ortasha aýyr.
Osy rette departament mamandary azamattarǵa qandaı jaǵdaıda da qaýipsizdik sharalaryn qatań saqtaý qajettigin eskertedi.
Qutqarýshylardyń kómegi kerek bolsa, birden «112» nómirine qońyraý shalý qajet.
