Semeıde 21 bas jylqyny aıdap ketken ury qolǵa tústi
ÓSKEMEN. QazAqparat - Semeı qalasynyń Áýezov aýdandyq ishki ister bóliminiń qyzmetkerleri asa iri kólemdegi mal urlyǵynyń betin ashty, dep habarlaıdy QazAqparat tilshisi.
Oqıǵa Semeı qalasynan 10 shaqyrymda jatqan Znamenka aýylynda bolǵan. 51 jastaǵy sharýa qojalyq ıesi 21 bas jylqysyn urlatyp alǵan. Polıtsııa bólimshesine shaǵymdanǵan mal ıesi úıirdiń joǵalǵan ýaqytyn dóp basyp aıta almapty. Bar biletini, jylqy 21 qarasha men 3 jeltoqsan aralyǵynda qaraýsyz bolǵan. Zardap shegýshiniń aryzy negizinde iz kesken saqshylar mańaıdaǵy aýyl-qystaqtyń bárin tintedi. Tintý barysynda 48 jastaǵy er adam kúdikke ilingen. Ol óziniń qylmysyn moıyndap, aman qalǵan bes basty ıesine qaıtarǵan. Qalǵan 16 bas bul kezde satylyp ketse kerek. Qojalyq ıesi urlyqtan kelgen shyǵyndy 5 mln teńgege baǵalap otyr.
«Mal urlyǵynyń kóbi qaraýsyz jiberý kezinde bolady. Halyqtyń jaýapkershiligin arttyrý úshin oblys boıynsha ýaqytsha mal ustaýǵa arnalǵan 218 oryn qurylǵan. Qaraýsyz júrgen mal ıesi kelgenshe sol jerde ustalady. Jyl basynan beri atalmysh «aıyp-turaqtaryna» 1,5 myń mal alynypty. Onyń 900-i sıyr, 580-i jylqy, qalǵany usaq mal. Ázirge bul shara da mal ıelerine sabaq bolmaı tur» - deıdi oblystyq ishki ister departamentiniń baspasóz qyzmetiniń bas mamany Azamat Raısov.
