Semeıde 200-gektarǵa jaıylǵan orman órti aýyzdyqtaldy

SEMEI. QazAqparat – Semeıde keshe shyqqan iri orman órti aýyzdyqtaldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, keshe túski ýaqytta «Semeı ormany» rezervatynyń Jańa-Semeı fılıaly Podgorodnee ormanshylyǵynda órt shyqqan. Qatty jelden qyzyl jalyn lezde jaıylyp ketti.

Órttiń jalpy aýdany shamamen 200-250 gektar aralyǵynda. Abyroı bolǵanda, zardap shekken eshkim joq. Aldyn ala málimet boıynsha ottyń shyǵý sebebi – naızaǵaıdan bolýy múmkin.

«Órtti sóndirýge departamentten, jergilikti atqarýshy organdardan, TJM №68303 áskerı bóliminen 399 adam jáne 85 tehnıka jumyldyryldy. Búgin saǵat 11.00-de tilsiz jaý aýyzdyqtaldy», - dep habarlady vedomstvo ókilderi.

Esterińizge sala ketsek, osyǵan deıin Semeıde orman órtenip jatqanyn habarlaǵan edik.