Semeıde 200-den astam áskerı qyzmetshi ant qabyldady
SEMEI. QazAqparat – Semeıdegi áskerı bólimderdiń birinde jas sarbazdar ant qabyldady, dep habarlaıdy QazAqparat tilshisi.
Saltanatty sharaǵa «Shyǵys» óńirlik qolbasshylyǵy áskerleriniń qolbasshysy, qala ákimdiginiń, qorǵanys isteri jónindegi basqarmanyń ókilderi, sondaı-aq Qarýly Kúshterdiń ardageri, zapastaǵy podpolkovnık Aıdar Smaǵulov qatysty. Olar áskerılerdi qyzmettegi mańyzdy kúnderimen quttyqtap, sáttilik tiledi.
Qazirgi ýaqytta fızıkalyq turǵyda myqty, bilimdi, moraldyq jaǵynan turaqty jáne adal jigitter armııa qataryna shaqyrylýda. Olar bizdiń ata-babalarymyzdyń dańqty jaýyngerlik dástúrleriniń laıyqty jalǵastyrýshylary, - dedi «Shyǵys» óńirlik qolbasshylyǵy áskerleriniń qolbasshysy, general-maıor Asan Júsipov.
Áskerı ant qabyldaý - bul ár sarbaz úshin erekshe mańyzdy sát. Bul saltanatqa barlyǵy 200-den astam áskerı qyzmetshi qatysty.
