Semeıde 20-dan astam adam kóktaıǵaqta qulap, jaraqat alǵan
SEMEI. QazAqparat – Semeı qalasynda kóktaıǵaqta qulap, jaraqat alǵan 20-dan astam adam dárigerler kómegine júgindi, dep habarlaıdy QazAqparat tilshisi.
ShQO Densaýlyq saqtaý basqarmasy baspasóz qyzmetiniń málimetine súıensek, 19 aqpanda kóktaıǵaqqa baılanysty jaraqat alǵan 23 adam jedel járdem stantsııasyna júgingen. Onyń 17-si medıtsınalyq mekemege jetkizilse, qalǵandary aýrýhanaǵa barýdan bas tartty.
«10 adam dene jaraqatyn alsa, 9 adamnyń qol-aıaǵy synǵan. Zardap shekkenderdiń arasynda balalar joq», - delingen habarlamada.
Esterińizge sala ketsek, búgin Semeı qalasynda ekinshi aýysymdaǵy 1-9 synyp oqýshylaryna sabaq ótkizilmedi.
Sondaı-aq Shyǵys Qazaqtanda aýa raıynyń nasharlaýyna baılanysty birqatar tasjol jabylǵan bolatyn.
