Semeıde 2 sáýirden bastap qosymsha shekteýler engiziledi
SEMEI. QazAqparat – Semeı qalasyndaǵy dárihanalar túgeldeı medıtsınalyq maskalarmen qamtamasyz etildi, dep habarlaıdy QazAqparat.
2 sáýirden bastap shaharda qosymsha shekteý sharalarynyń engizilýine oraı azyq-túlik dúkenderi ǵana jumys istep, qalǵan saýda oryndary jabylady. Sanıtarlyq baqylaý men dezınfektsııalaý jumystary kúsheıtilip, turǵyndardyń bári maska kıip júrýge mindetteledi.
«Búginde medıtsınalyq maska shyǵarý jolǵa qoıylǵan. Biz áleýmettiń áljýaz toptaryn maskamen tegin qamtamasyz ettik. Bul 102 myńnan astam adam. Maska shyǵaratyn kásiporynnyń ónimdiligin arttyrýdy kózdep otyrmyz. Ázirge maska tigýdi kúnine 20 myń danaǵa kóbeıtý josparlanǵan, - dedi qala ákim Ermak Sálimov onlaın-brıfıng barysynda.
Qazirgi ýaqytta qalada 166 dárihana bar. Olar medıtsınalyq maskamen tolyq qamtylǵan.
