Semeıde 2 oqýshy qyzdy qaqqan júrgizýshi sottaldy
SEMEI. QazAqparat - Semeıde 2 oqýshy qyzdy qaǵyp ketken júk kóliginiń júrgizýshisi 2 jyl 6 aıǵa sottaldy. Biraq kóz jumǵan qyzdyń ata-anasy sot sheshimen kelispeıdi, dep habarlaıdy QazAqparat.
Eske sala keteıik, 3 sáýir kúni Qarjaýbaıuly kóshesinde 49 jastaǵy júk kóliginiń júrgizýshisi 2 oqýshy qyzdy qaǵyp ketken edi. Aýyr jaraqat alǵan 7 synyptyń qos oqýshysynyń biri jansaqtaý bóliminde kóz jumǵan bolatyn.
Jol-kólik oqıǵasynan keıin júrgizýshiniń ústinen Qazaqstan Respýblıkasynyń Qylmystyq kodeksiniń 345-babynyń 2-bóligi boıynsha is qozǵalyp, qolhat arqyly bosatylǵan.
Búgin júrgizýshige qatysty sot úkimi shyqty.
«Sot aıyptalýshyny QR Qylmystyq kodeksiniń 345-babynyń 3 bóliginde kórsetilgen qylmystyq quqyqbuzýshylyq jasaǵany úshin kináli dep tanydy. Osy baptyń negizinde 2 jyl 6 aıǵa bas bostandyǵynan shekteý jáne 3 jylǵa kólik júrgizý quqyǵynan aıyrý jazasy taǵaıyndaldy. Jazasyn qaýipsizdigi tómen qylmystyq atqarý mekesinde óteıdi»,-dedi №2 sottyń sýdıasy Janat Ábenova.
Alaıda qaıtys bolǵan qyzdyń ata-anasy sot sheshimimen kelispedi. Olar sotqa apellıatsııalyq shaǵym túsirmekshi.
