Semeıde 2 qyzdy qaqqan júrgizýshi qolhatpen bosatyldy
SEMEI. QazAqparat - Semeıde mekteptiń 2 oqýshysyn qaǵyp ketken júrgizýshi eshqaıda ketpeý týraly qolhatpen úıine bosatyldy, dep habarlaıdy QazAqparat tilshisi.
Qalalyq Іshki ister basqarmasynan málim etkendeı, sotqa deıingi tergeý jumystary júrgizilýde. Balalardy qaǵyp ketken avtokran júrgizýshisi eshqaıda ketpeý týraly qolhatpen úıine jiberildi. Buǵan deıin habarlaǵanymyzdaı, 49 jastaǵy júrgizýshiniń ústinen QR Qylmystyq kodeksiniń 345-baby 2-bóligi boıynsha is qozǵaldy.
Eske sala ketsek, keshe júk kóligi 7-synyptyń 2 oqýshysyn qaǵyp ketken bolatyn.
Aýyr halde aýrýhanaǵa jetkizilgen eki qyzdyń biri jansaqtaý bóliminde kóz jumdy.
Al ekinshi qyzdyń beti búgin beri qarady. Dərigerler onyń densaýlyǵyn qalypty dep baǵalaýda.
«Balanyń basyna kompıýterlik tomografııa jasap, reanımatsııaǵa jatqyzdyq. Oǵan «aýyr dárejedegi ashyq bas-mı jaraqaty», «úshinshi dárejedegi bas-mıynyń soǵylýy», sondaı-aq «bas súıeginiń ashyq synyǵy» dıagnozdary qoıylyp otyr. Búgingi kúni qyzdyń densaýlyǵyna tóner qaýip joq deýge bolady. Ol esin jıdy», - dedi balalar aýrýhanasynyń hırýrgi Jalǵasqan Qanapııanov.
