Semeıde 19 jastaǵy qyz iz-tússiz joǵalyp ketti
ASTANA. QazAqparat - Semeı qalasynda 19 jastaǵy Jansaıa Safaeva iz-tússiz joǵalyp ketti, dep jazady ustinka.kz.
2017 jylǵy 14 maýsymda 19 jastaǵy qyz qaladaǵy «Ýnıvermag» dúkeni mańynda ornalasqan úıinen kúndizgi ýaqytta shyǵyp ketip, oralmaǵan.
«Joǵalǵan qyzdyń týystarynyń sózine qaraǵanda, Jansaıa jaqynda ǵana grandpen oqýǵa túsipti. Onyń úıden osylaı ketip qalýyna esh sebep joq. Uıaly telefony óshirýli. Polıtsııaǵa ótinishti onyń týystary berdi», - deıdi «RINA. KZ - Semeı» eriktiler qozǵalysynyń jetekshisi Evgenııa Pavel.
Joǵalyp ketken qyzdyń týystary men eriktiler Jansaıa týraly qandaı da bir málimetter biletin bolsa 8-747-349-57-17, 8-115-623-76-71 nemese 102 telefondaryna habarlasýdy suraıdy.
