Semeıde 180 oqýshynyń qatysýymen dombyrashylar fleshmoby ótti

SEMEI. QazAqparat - QR Tuńǵysh Prezıdenti kúnine oraı Semeı qalasyndaǵy fızıka-matematıka baǵytyndaǵy Nazarbaev Zııatkerlik mektebiniń oqýshylary dombyrashylar fleshmobyn uıymdastyrdy, dep habarlaıdy QazAqparat.

«Uly dala muragerleri» ataýymen ótken fleshmob halyq jáne búgingi qazaqstandyq kompazıtorlarynyń týyndylaryn dáripteýge arnaldy. Sharada «100 kúı» jobasyna engen kúıler iriktelip, birneshe kúı tańdap alynǵan. Onyń qataryndaǵy Qurmanǵazynyń «Adaıyn» 7-8 synyp oqýshylarynan quralǵan dombyrashylar orkestri, al Baıjigittiń «Kókserke» kúıin muǵalimder oryndady. Sondaı-aq həkim Abaıdyń  «Tor jorǵa» kúıi  kórermen kóńilinen shyqty. 

Fleshmobqa jalpy sany 180 oqýshy qatysty. Negizinen - Zııatkerlik mekteptiń tómengi synyp oqýshylarynan quralǵan dombyrashylar.

  "Nazarbaev Zııatkerlik mektepteri oqýshylary úshin qolǵa alynǵan «100 kúı» jobasyn utymdy dep aıtýǵa bolady. Osy jobanyń arqasynda qanshama bala qolyna dombyrany alǵash ret ustady. Kúı qudiretimen tanysty. Kúıdiń shyǵý tarıhy, onyń avtory jaıly da derekterge qanyqty. Fleshmobqa daıyndyqqa aǵymdaǵy oqý jyly bastalysymen kiriskenbiz.Ótkizilip otyrǵan sharanyń utymdy tusy - kóne kúılerdi  jańǵyrtý" , -deıdi dombyra úıirmesiniń jetekshisi Madııar Ashırov.