Semeıde 18 jastaǵy júrgizýshi adam qaǵyp ketti
SEMEI. QazAqparat – Semeı qalasynda 18 jastaǵy júrgizýshi jaıaý júrginshini qaǵyp ketti, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 7 qyrkúıek kúni saǵat 20:30 shamasynda VAZ 2114 avtokóliginiń júrgizýshisi Rykov kóshesinen Boztaev kóshesine qaraı kele jatyp, rettelmegen jaıaý júrginshiler jolaǵynda 24 jastaǵy azamatty qaǵyp ketken.
«Jol-kólik oqıǵasy saldarynan ártúrli dene jaraqattaryn alǵan jaıaý júrginshi medıtsınalyq mekemege jetkizildi. Sot-medıtsınalyq saraptama taǵaıyndalyp, sonyń qorytyndysy boıynsha kólik júrgizýshisi jaýapqa tartylady», - dep habarlady vedomstvo ókilderi.
Medıtsınalyq kýálandyrýdan anyqtalǵandaı, júrgizýshi mas kúıde bolmaǵan. Tergeý amaldary jalǵasýda.
