Semeıde 17 jastaǵy jigit sýǵa ketti
SEMEI. QazAqparat – Semeı qalasynda 17 jastaǵy jigit sýǵa batyp ketti, dep habarlaıdy QazAqparat tilshisi.
Qalalyq Tótenshe jaǵdaılar basqarmasy baspasóz qyzmetiniń málimetinshe, 15 maýsym kúni saǵat 16.48-de 2003 jylǵy er adam Holodnyı klıých saıajaı aýmaǵynyń mańyndaǵy Ertis ózenine batyp ketken. Oqıǵa ornyna 3 qutqarýshy attanǵan. Kýágerlerdiń aıtýynsha, qaıǵyly oqıǵaǵa sebep – shomylý barysyndaǵy abaısyzdyq.
«Saǵat 19.00-de súńgýirler 1,5-2 metr tereńdikte jatqan marqumnyń denesin alyp shyqty. Kóp jaǵdaıda osyndaı qaıǵyly jaǵdaılar adamnyń óz kinásinen oryn alyp jatady. Sondyqtan arnaıy jabdyqtalmaǵan jerlerde sýǵa túsýden aýlaq bolý kerek», - dep habarlady vedomstvo ókilderi.
