Semeıde 17 jastaǵy stýdent joǵalyp ketti
SEMEI. QazAqparat – Semeı qalasynda iz-túzsiz joǵalyp ketken jasóspirim izdestirilýde, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 6 qyrkúıek kúni úıinen kolledjdegi oqýyna shyǵyp ketken Symbat Sabyrov sol kúıi qaıtyp oralmaǵan.
«102» jedel arnasyna qońyraý shalǵan azamat 17 jastaǵy aǵasynyń joǵalyp ketkendigin jetkizdi. Onyń aıtýynsha, jasóspirim «Shyǵys» saıajaı qaýymdastyǵyndaǵy úıden saǵat 13:00 shamasynda shyqqan. Qazirgi ýaqytta polıtsııa qyzmetkerleri jedel-izdestirý sharalaryn júrgizýde», - dep habarlady vedomstvo ókilderi.
Joǵalǵan kúni Symbat Sabyrov aq kóılek, qara shalbar men qara týflı kıgen. Tártip saqshylary onyń qaıda ekendiginen qandaı da bir habary bar azamattardan «102» nemese 8-747-836-48-53, 8-778-124-89-19 nómirlerine habarlasýlaryn suraıdy.
