Semeıde 1500 oryndyq eki mektep salynady
SEMEI. QazAqparat – Semeı qalasynda jańa eki mektep boı kóteredi, dep habarlaıdy QazAqparat tilshisi.
Aımaq basshysy Danıal Ahmetov selektorlyq keńes barysynda bilim berý salasyndaǵy máselelerdi sóz etti. Onyń aıtýynsha, Óskemen men Semeı qalalarynyń mektepteri oqytý ádistemesi boıynsha Aıagóz qalasy men Kókpekti aýylynan edáýir artta qalǵan.
«Bıyl Semeıde 300 jáne 1200 oryndyq eki mekteptiń qurylysy bastalady. Sochı qalasynda ornalasqan «Sırıýs» oqý ortalyǵy sııaqty biregeı bilim berý mekemesin qurýymyz qajet. Bizdiń mindetimiz – IT aqparattyq baǵdarlamalar arqyly bilim berý júıesiniń deńgeıin kóterý», - dedi oblys ákimi.
Danıal Ahmetov óz sózinde Óskemen men Semeı shaharlaryndaǵy bilim berý mekemeleriniń qyzmetkerleri oń qorytyndy jasap, jumysynyń sapasyn arttyrýy kerektigin jetkizdi. Sondaı-aq óńirde basty baǵyttardyń birine aınalǵan kóptildi bilim berý boıynsha tıisti jumys jalǵasady.
