Semeıde 150 myńǵa jýyq adam vaktsına aldy
SEMEI. QazAqparat – Semeı qalasynda 150 myńǵa jýyq adam koronavırýsqa qarsy vaktsına aldy, dep habarlaıdy QazAqparat tilshisi.
Qalalyq Aqparat ortalyǵynyń málimetine súıensek, jalpy Shyǵys Qazaqstan oblysy boıynsha 30 myńnan astam adamnyń PTR-synama nátıjesi oń bolyp shyqqan. Qazirgi ýaqytta óńir statsıonarlarynda 224 turǵyn em qabyldap jatyr. Onyń ishinde aýyr haldegi 20 adam reanımatsııada baqylaýda.
«Kún saıyn respýblıka aýmaǵynda koronavırýs ınfektsııasyn juqtyrýdyń 5 myńnan astam jaǵdaıy anyqtalady. Bul indetti jeńýdiń jalǵyz joly – vaktsına. Semeıde 50-den astam vaktsınatsııa orny bar. Sondaı-aq ekpe saldyrýǵa bolatyn 7 jyljymaly pýnkt jumys isteıdi. Vaktsınanyń birinshi jáne ekinshi komponenti arasyndaǵy uzaqtyq – 21 kún. Ekpe vırýstan 92%-ǵa qorǵaıdy», - deıdi Semeı qalalyq densaýlyq saqtaý basqarmasy basshysynyń orynbasary Dýman Berikuly.
