Semeıde 150 adamǵa arnalǵan múgedekterdi ońaltý ortalyǵy boı kótermek
Semeı ákimdiginde ótken jıynda qalany damytýdyń 2020-2025 jyldarǵa arnalǵan keshendi jospary talqylandy. Jalpy ınfraqurylym, abattandyrý, turǵyn úı qurylysy, bilim, densaýlyq saqtaý, sport, kásipkerlik, halyqty jumyspen qamtýdy qamtamasyz etý syndy salalarǵa qatysty 56 is-sharany júzege asyrý kózdelip otyr.
«Іske asyrylǵan jobalardyń ishinde Voshod kentindegi kúnbaǵys, raps pen soıany qaıta óńdeý boıynsha avtomattandyrylǵan keshenniń salynǵanyn atap ótýge bolady. Densaýlyq saqtaý salasynda 35-shi kvartal aýdanynda oblystyq onkologııalyq dıspanserdiń radıologııalyq ortalyǵy iske qosyldy. Oqýshylar ornynyń tapshylyǵyn joıý maqsatynda Shyǵys kentinde 1200 oryndyq, al Stepnoı kentinde 300 oryndyq eki orta mekteptiń qurylysy aıaqtalýǵa jaqyn. Sondaı-aq bıyl 42,3 shaqyrym joldy jóndeý jumystary júrgizilýde», - dedi shahar ákimi Baqytjan Baıahmetov.
Qaraǵaıly shaǵyn aýdanynda jalpy aýdany 328 myń sharshy metrdi quraıtyn 65 kóppáterli turǵyn úı salynýda. «Birqabatty Shyǵys» baǵdarlamasy aıasynda 64 jer úıdiń qurylysy júrgizilip jatyr.
Budan bólek, qalada 150 oryndyq múgedekterdi ońaltý ortalyǵynyń qurylysy bastaldy. Osy maqsatta 5,4 mlrd teńge bólingen.
