Semeıde 15 jastaǵy jasóspirim sýǵa batyp ketti
SEMEI. QazAqparat – Semeı qalasynda 15 jastaǵy jasóspirim sýǵa batyp ketti, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, oqıǵa 11 maýsym kúni Ertis ózeniniń Vostochnyı kentindegi tusynda bolǵan.
«15 jastaǵy jasóspirim dostarymen birge ruqsat etilmegen jerde shomylǵan. Aǵyny qatty ózenge súńgip ketken ol qaıta shyǵa almady. Dostary ony qutqarýǵa tyrysqanymen esh nátıje shyqpaǵan. Kóp uzamaı oqıǵa ornyna súńgýirler kelip jetti. Alaıda áli kúnge deıin marqumnyń denesi tabylmaı jatyr», - delingen aqparatta.
Osy rette, qutqarýshylar óńir jurtshylyǵyna shomylýǵa tyıym salynǵan ýchaskelerge barmaýǵa shaqyrady.
Esterińizge sala ketsek, osyǵan deıin Semeıde 40 jastaǵy er adam sýǵa batyp ketkenin habarlaǵan edik.
