Semeıde 15 jańa avtobýs paıdalanýǵa berildi
SEMEI. QazAqparat - Semeıde 15 jańa qoǵamdyq avtobýs qozǵalys baǵytyna shyqty, dep habarlaıdy QazAqparat.
«Daewoo» markili avtobýstar Semeıdegi kólikqurastyrý zaýytynda jasalǵan. № 4 baǵytta qatynaıtyn qoǵamdyq kólik qalanyń sol jaǵalaýyndaǵy «Jastyq shaq» aýdanynan oń jaǵalaýdaǵy «Qaraǵaıly» móltek aýdanyna deıin qatynaıdy. Avtobýstar evro-5 ekologııalyq talaptaryna saı keledi.
Jáne barlyǵynda GPS qurylǵylar ornatylǵan. Aldaǵy ýaqytta «WI-FI» júıesimen qamtý josparda bar. Qala basshylyǵy zamanaýı qoǵamdyq kólikterdiń sanyn arttyryp, tozyǵy jetken avtobýstardy alyp tastaýdy kózdep otyr. 
Aıta keteıik, ár avtobýstyń quny 40 mln teńgeni quraıdy.
«Ótken jyly orta sanattaǵy 20 avtobýsty satyp alynǵanyn bilesizder. Endi olardyń qataryna taǵy 15 jańa kólik qosyldy. Qýantatyny - olardyń túgeli jergilikti zaýytta qurastyrylǵan. Aldaǵy ýaqytta «Gazel» sııaqty shaǵyn avtobýstar múldem qoldanystan shyǵarylady. Maqsatymyz qoǵamdyq kólikterdiń qaýipsizdigin qamtamasyz etý», - dedi qala ákimi Ermak Sálimov.
