Semeıde 121 jumysshy jeti jyl burynǵy jalaqysyn endi aldy

SEMEI. QazAqparat - Kólik prokýratýrasy qabyldaǵan sharalar nátıjesinde «Semeıavıa» AQ 121 jumysshynyń aldyndaǵy somasy 51,1 mln tenge kólemindegi eńbekaqyny ótedi, dep habarlaıdy QazAqparat.

«Kórsetilgen bereshek 2011-2012 jyldary qalyptasqan, alaıda ony óteý múmkin bolmaǵan. Óıtkeni aktsıonerlik qoǵamnyń ótimdi múlki bolmady, sonymen qatar ol - strategııalyq obekt bolǵandyqtan, qaryzdy óteý qıynǵa túsken. 2014 jyldyń sáýirinde Semeı kólik prokýratýrasynyń talaby boıynsha qalalyq sot kásiporyndy bankrot dep jarııalady jáne bankrottyq týraly tıisti rásimder bastaldy. Osylaısha, Úkimet qaýlysymen múliktik keshendi «Ertis» ÁKK» UK» AQ paıdasyna berý týraly sheshim qabyldanǵan» delingen habarlamada.

Ótken jyldyń qyrkúıeginde AQ bankrottyq basqarýshysymen tıisti shartqa qol qoıyp, áýejaıdyń múliktik keshenin satqannan keıin jumysshylardyń aldyndaǵy bereshek tolyǵymen óteldi.