Semeıde 120 áskerı qyzmetshige baspana kilti tabystaldy
Olardy Shyǵys Qazaqstan oblysynyń ákimi Danıal Ahmetov pen «Shyǵys» óńirlik qolbasshylyǵynyń general-maıory Nurlan Qashaǵanov quttyqtap, páter kiltterin tabys etti.
«Qonys toıy bul ómirdegi eń qýanyshty kún. Men óte qýanyshtymyn, Qorǵanys mınıstrligi áskerı qyzmetshilerdi baspanamen qamtyǵanyna. Bul ár otbasy úshin qýanysh. 120 áskerı keremet baspanaǵa ıe bolyp jatyr. Turǵyndardyń óz ómirine qýanǵandaryn qalaımyn. Otandy, eldi qorǵaý jolynda árdaıym daıyn áskerıler aldaǵy ýaqytta da osy joldan taımaıdy dep senemin. Qutty bolsyn qadirli jerlester, búgingi mereke»- dedi aımaq basshysy. 
«Shyǵys» óńirlik qolbasshylyǵyna qarasty áskerı bólim qyzmetkerleri búgin jańa qonysqa kóshti. 5 qabatty 2 turǵyn úı eńbek ótili 10 jyldan asqan jáne turǵyn úı kezeginde turǵan, kóp balaly 120 otbasyǵa berildi. Eýropalyq sapamen salynǵan 2 jáne 3 bólmeli páterler otbasy músheleriniń sanyna baılanysty tabystaldy.
Jańa kópqabatty turǵyn úı qaladaǵy «Jastyq shaq» shaǵynaýdanynan boı kóterdi. Ol Qorǵanys mınıstrliginiń áskerılerdiń otbasyn baspanamen qamtý jónindegi arnaıy baǵdarlamasy aıasynda salyndy. El ıgiligine berilgen kópqabatty úıdiń jalpy aýmaǵy 1 gektar. 
