Semeıde 12 jastaǵy balany qaǵyp, oqıǵa ornynan qashyp ketken júrgizýshi izdestirilýde
SEMEI. QazAqparat – Semeı qalasynda 12 jastaǵy balany qaǵyp, oqıǵa ornynan qashyp ketken kólik júrgizýshisi izdestirilýde, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 22 aqpanda «102» arnasyna habarlasqan azamat «Radýga» saýda úıiniń janyndaǵy rettelmegen jaıaý júrginshiler ótkelinde balany kólik qaǵyp ketkenin jetkizdi. Osynyń saldarynan 12 jastaǵy bala dene jaraqatyn alǵan.
«Júrgizýshi birden oqıǵa ornynan iz sýytqan. Qazirgi ýaqytta onyń kim ekendigin anyqtaý maqsatynda jedel-izdestirý sharalary júrgizilip jatyr», - dep habarlady vedomstvo ókilderi.
Qazirgi ýaqytta izdestirý sharalaryna jeke quramnyń barlyq qyzmetkerleri jumyldyrylǵan.
