Semeıde 12 jasar balaqaıdyń qoly ystyq batareıaǵa qystyrylyp qalǵan
SEMEI. QazAqparat - Semeıde qutqarýshylar erekshe jaǵdaıǵa tap bolǵan balalarǵa kómektesti, dep habarlaıdy QazAqparat.
ShQO tótenshe jaǵdaılar departamentiniń málimetinshe, alǵashqy jaǵdaı Semeı qalasynda bolǵan.
2009 jyly týǵan balaqaı ata-anasymen birge shańǵy bazasynan oralǵannan keıin jylý batareıasynyń janyna otyryp, jylynbaq bolǵan.
Sol kezde aıaq astynan bir qoly batareıanyń arasyna qystyrylyp qalǵan.
Jaqyndary qansha tyryssa da, jetkinshekke kómektese almady.
«Qutqarýshylar qońyraý túskennen keıin jedel oqıǵa ornyna attanyp, balany qutqardy. Al apattyq medıtsına brıgadasynyń dárigeri jasóspirimge medıtsınalyq jáne psıhologııalyq kómek kórsetti. Jedel járdem qyzmetkerleri balanyń kúıip qalǵan qolyna dári jaǵyp, tańyp berdi. Balaqaı aýrýhanaǵa jatýdan bas tartty» dep túsindirdi departamentten.
Ekinshi oqıǵa Rıdder qalasynda bolǵan. 15 jasar jetkinshek aǵashqa órmelep shyǵyp, sosyn qaıtadan jerge túse almaı qalǵan.
Arada bir saǵat ýaqyt ótkende onyń dostary qutqarýshylardy shaqyrǵan.
Qutqarýshylar úshıindi satynyń kómegimen balany tómenge túsirdi. Ivan aǵashqa átkenshekti jóndeý úshin órmelep shyqqan eken.
TJD qyzmetkerleri ata-analarǵa balany qaraýsyz qaldyrmaı, árqashan muqııat bolý kerektigin eske salady.
Balalardyń ómir qaýipsizdigi ata-ana jaýapkershiligine tikeleı baılanysty.
