Semeıde 12 sheteldik azamat elden qýyldy
SEMEI. QazAqparat - Semeıde 33 shetel azamaty ákimshilik jaýapkershilikke tartylyp, 12-i azamat elden qýyldy, dep habarlaıdy QazAqparat tilshisi.
Semeıge keletin sheteldikterdiń sany artýda. Osyǵan baılanysty qalalyq kóshi-qon polıtsııasy basqarmasy men ІІB-nyń qyzmetkerleri zańsyz eńbek kóshi-qonyn shekteý maqsatynda «Nelegal-2018» jedel aldyn alý sharasyn ótkizýde. Alǵashqy kúnniń ózinde tártip saqshylary el aýmaǵynda bolý erejesin buzǵan 33 shetel azamatyn ákimshilik jaýapqa tartty. 30 adamnyń elimizde ýaqytsha bolý merzimi qysqartyldy. Sottyń sheshimimen 12 sheteldik elden shyǵaryldy. Ekeýiniń ústinen qylmystyq is qozǵaldy.
«Shetel azamattary kóbine ýaqytsha tirkeýge otyrmaıdy. Budan soń sot sheshimin oryndamaıdy, zańsyz jumysqa turady.
Áreketteri kóshi-qon zańnamasyna qaıshy keledi. Sondyqtan shara aıasynda barlyq qurylys nysandary, dámhanalar men bazarlarǵa tekserý júrgiziledi»,-dedi Semeı qalalyq ІІB Memlekettik til jáne aqparat bóliminiń jetekshisi Elýbek Ospanov.
Semeıde zańsyz jumys isteıtinderdiń kóbi Ózbekstan eliniń azamattary. Tekserý kezinde 3 ózbekstandyq azamattyń alǵan qujat boıynsha jumys istemeıtini anyqtaldy. ıAǵnı, olar jeke tulǵaǵa úı sharýasyna kómektesemiz dep ruqsatnama alady. Alaıda tekserý barysynda ózge sharýa qojylyǵynda sút tsehynyń tóbesin kóterip, ártúrli jumys istep júrgeni belgili boldy. Kóshi-qon zańnamasyn buzǵany úshin olar ákimshilik jaýapkershilikke tartylyp, elden qýyldy. Al jumys berýshige 100 AEK mólsherinde aıyppul salyndy.
