Semeıde 12-qabattan qulaǵan er adam aman qaldy
SEMEI. QazAqparat - Semeıde turǵyn úıdiń 12-shi qabatynan qulap ketken azamat aman qaldy,dep habarlaıdy QazAqparat.
30 jastaǵy qala turǵyny teledıdardyń antennasyn túzetý úshin 12 qabatty úıdiń shatyryna shyqqan. Biraq aıaǵy taıyp ketip, qulaǵan. Abyroı bolǵanda ol 9-qabatqa qulap, sonyń arqasynda tiri qaldy. Oqıǵa ornyna jetken qutqarýshylar azamatty tómenge túsirip, jedel járdem dárigerlerine tabystady.
«Oqys oqıǵa 19 qyrkúıek kúni saǵat 15.16-da Áýezov kóshesi, 22 mekenjaıynda tirkeldi. Qazir azamattyń densaýlyǵy jaqsy. Jedel medıtsınalyq járdem aýrýhanasynyń travmatologııa bóliminde jatyr. Qutqarý sharasyna jeke quramnyń 3 qyzmetkeri men 1 arnaıy tehnıka jumyldyryldy» delingen qalalyq TJB baspasóz qyzmeti taratqan aqparatta.
