Semeıde 12 adamnyń atyna 8,5 mln teńge nesıe rásimdegen alaıaq ustaldy
SEMEI. QazAqparat - Semeıde 12 adamnyń atyna, jalpy somasy 8,5 mln teńgege taýarlyq nesıe aldyrǵan alaıaq azamat ustaldy, dep habarlaıdy QazAqparat.
Qazir 37 jastaǵy azamattyń ústinen asa iri kólemde alaıaqtyq áreketter jasaý deregi boıynsha qozǵalǵan qylmystyq is sotqa jiberildi.
Azamat 12 adamnyń senimine kirip, aldaý arqyly ekinshi deńgeıli bankterden nesıege túrli turmystyq tehnıkalar rásimdeýge kóndirgen.
Al aı saıynǵy tólemaqyny ózi tóleýge ýáde bergen. Jáne ol taýardy alyp bergeni úshin turmystyq tehnıkanyń baǵasyna baılanysty 5-ten 10 paıyzǵa deıin mólsherin nesıe rásimdeýshige berip otyrǵan. Ońaı oljaǵa kenelýdi kózdegen jábirlenýshiler tipti oılanbastan iri kólemdegi nesıeni óz attaryna rásimdegen. Arada ýaqyt ótkennen keıin ǵana olar ózderiniń alaıaqtyń qurbany bolǵandaryn bilgen. Sebebi, bankten qaryzdy qaıtarý jóninde kún saıyn habarlama kele bastaǵan.
Tekserý kezinde azamattyń taýarlardy naryq baǵasynan tómen baǵada qaıta satyp otyrǵany belgili boldy. Al turǵyndarǵa ákelgen shyǵyn kólemi 8,5 mln teńge.
«Semeı qalalyq ІІB-na qala turǵyny kelip, tanysynyń eki jyl boıy nesıesin tólemeı júrgenin aıtyp aryzdandy. Polıtsııa qyzmetkerleriniń júrgizgen jedel izdestirý sharalary kezinde 37 jasar azamat ustaldy. Ol qaladaǵy ártúrli saýda úılerinen óz tanystaryna taýarlardy nesıege alǵyzǵan. Qazir «Alaıaqtyq» baby boıynsha qylmystyq is aıaqtalyp, sotqa jóneltildi»,-dedi Semeı qalalyq ІІB Memlekettik til jáne aqparat bóliminiń jetekshisi Elýbek Ospanov.
