Semeıde 110 sheteldik azamat jaýapqa tartyldy
Qalalyq Polıtsııa basqarmasy baspasóz qyzmetiniń málimetine súıensek, tártip saqshylary «Mıgrant» jedel aldyn alý sharasyn júrgizýde. Sonyń nátıjesinde, sheteldikter tarapynan kóshi-qon zańnamasyn buzý faktileri anyqtalýda.
«4 kún ishinde shahar aýmaǵynda zańsyz jumys istegen 63 sheteldik ákimshilik jaýapkershilikke tartyldy. Sondaı-aq elde bolý erejelerin buzyp, belgilengen merzimnen artyq júrgen 110 sheteldik anyqtalǵan. Búginde onyń 12-si Qazaqstan Respýblıkasy aýmaǵynan shyǵaryldy. Budan bólek, basqa el azamattarynyń kelgeni týraly tıisti organdarǵa ýaqtyly habarlamaǵany úshin olardy qabyldaǵan 30 turǵyn jaýapqa tartylǵan», - delingen aqparatta.
Vedomstvo dereginshe, jeke kásipkerlerdiń biri sheteldik jumys kúshin zańsyz paıdalanyp, Ózbekstan Respýblıkasynyń eki azamatyn tandyr nan daıyndaý tsehyna jumysqa qabyldaǵan.
«Jergilikti atqarýshy organnyń ruqsatynsyz sheteldik azamattarǵa jumys bergeni úshin oǵan QR ÁQBtK-niń 519-baby 1-bóligi boıynsha 50 AEK mólsherinde aıyppul salyndy. Al ózbek azamattaryna qatysty materıal jınalyp, Semeı qalasynyń ákimshilik sotyna jiberildi», - delingen habarlamada.
