Semeıde 10 shaqyrymdyq aryq qardan tazartyldy
SEMEI. QazAqparat – Semeı qalasynda 10 shaqyrymdyq aryq qardan jáne muzdan tazartyldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 13 qańtarda Mırnyı kentindegi aryqty qalalyq TJB mamandary men jergilikti atqarýshy organ ókilderi muqııat qarap shyqty.
«Turǵyn úılerdi sý basýdyń aldyn alý maqsatynda aryqty tazartý jumystary júrgizildi. Aryqtyń jalpy uzyndyǵy 10 shaqyrymdy quraıdy. Qazirgi ýaqytta úılerdi sý basý qaýpi joq», - dep habarlady vedomstvo ókilderi.
Aıta keteıik, aryqty qardan jáne muzdan tazartýǵa jergilikti atqarýshy organ men №68303 áskerı bólimnen 80 adam jáne 7 tehnıka jumyldyrylǵan.
