Semeıde 1 aı buryn joǵalǵan qyz úıine aman-saý oraldy
SEMEI. QazAqparat - Semeıde 19 mamyr kúni joǵalǵan 18 jastaǵy Zarına Grıgorenko aman-esen úıine oraldy, dep habarlaıdy QazAqparat.
Mamyr aıynda ushty-kúıli joǵalǵan 18 jasar qyz úıine aman-esen óz aıaǵymen kelgen. Qaladaǵy «Rına.KZ Semeı» eriktiler qozǵalysynyń jetekshisi Evgenııa Pavel qyzdyń tabylǵandyǵy jaıly ápkesiniń habarlaǵanyn aıtty. Biraq boıjetken osy ýaqytqa deıin qaıda bolǵanyn aıtpaǵan.
«Bizge Zarınanyń apaıy habarlasyp, onyń úıge ózi kelgenin jetkizdi. Barlyǵy jaqsy. Esh jeri zaqymdanbaǵan. Al bul ýaqytqa deıin qaıda bolǵanyn ázirge bizge aıtpady», - dedi Evgenııa Pavel.
Aıta keteıik, qyz bala 19 mamyr kúni tańerteń saǵat 8:45 shamasynda úıden oqýyna shyǵyp ketip, sodan úıge oralmaǵan.
