Semeı jurty qala kúnin toılap jatyr
ASTANA. QazAqparat - Óńirde qar jaýyp, kún sýytqanyna qaramastan halyqtyń kóńil-kúıi kóterińki, dep habarlaıdy Habar 24 telearnasy.
Qalanyń ár aýmaqtarynda túrli sharalar uıymdastyryldy. Jaqynda ǵana qaıta jańǵyrtylǵan Ertis jaǵalaýynda kórmeler uıymdastyrylyp, kópshilik nazaryna kontsert usynyldy. Qolóner sheberleriniń buıymdary da eshkimdi beı jaı qaldyrǵan joq. Jergilikti zaýyttar men fabrıkalar da ónimderin osynda ákelgen. Aıaq kıimnen bastap, aýyl sharýashylyǵy tehnıkalaryna deıin bar. Merekelik sharalar tún ortasyna deıin sozylady. Ortalyq alańda gala-kontsert pen aıtys ótip, mereke otshashýmen qorytyndylanbaq.
«Qyzylorda oblysy Jańaqorǵan aýdanynan keldim. Semeılikter, qala kúnderiń qutty bolsyn! Sharalary jaqsy, qyzyqty, bári qoldan jasalǵan. Qala kúnine qarsy kelip, men de qyzyqtap jatyrmyn, kórip jatyrmyn, aralap júrmin», - deıdi qala qonaǵy Máýilsim Ábdýaıtova.
