Semeı jastary panasyz jandarǵa nan taratty

SEMEI. QazAqparat - Semeı qalasynyń Shákárim atyndaǵy memlekettik ýnıversıtetindegi «Shakarim Press» uıymynyń músheleri «Meıirimdi júrek» aktsııasyn ótkizdi, dep habarlaıdy QazAqparat Altaynews-ke silteme jasap.

Shara barysynda olar úısiz-kúısiz júrgen jandarǵa nan taratty. Bul jarqyn istiń basty maqsaty - taǵdyr tálkegine túsken adamdarǵa qol ushyn sozyp, qaıyrymdylyq jasaýǵa jastardy yntalandyrý.

«Asyńa toıǵyzbasań da, aq nıetińe toıǵyz» degendeı, shyn júrekten qolǵa alynǵan dúnıe óz qoldaýshylaryn tapty. Kishigirim ótken aktsııa bolsa da, kóptiń kóńiline meıirim men úmit syılady. Bes kúndik jalǵan dúnıede qolymyzdan kelgenshe jaqsylyq jasap ótýge tyrysaıyqshy»,-deıdi Madına Sovetbekqyzy.