Semeı jasóspirimderi 3 myń Rýbık kýbıgimen Elbasy portretin jınady

SEMEI. QazAqparat - Semeı qalasynda Kazakhstan Speedcubing Federation komandasy alty jarym saǵat ishinde 3 myń Rýbık kýbıgimen Elbasy portretin jınady, dep habarlaıdy QazAqparat.

Pannonyń bıiktigi 2,8 m jáne uzyndyǵy 3,3 m. Qazaqstan Respýblıkasynyń Tuńǵysh Prezıdenti kúni men Qazaqstan Táýelsizdiginiń 30 jyldyǵyna oraı kýbık jınaýshylar týyndyny Qazaqstan Respýblıkasynyń Tuńǵysh Prezıdenti Nursultan Nazarbaevqa arnady.

Komanda quramyna 11 synyp oqýshylary Ertursynov Álıhan, Myrzakárimov Ámir, sondaı-aq «Elbasy medali» jobasynyń qola deńgeı qatysýshysy Raschetov Pavel jáne kolledj stýdentteri Rahatov Dılmar men Qazez Janat kirdi.

Bul – olardyń bıyl jasaǵan 4-jumysy. Buǵan deıin olar kórermen qaýymǵa jeńis kúnine oraılastyrylǵan Álııa Moldaǵulova, aqyn-aǵartýshy Abaı Qunanbaev jáne Álıhan Bókeıhanovtyń týǵan kúnine arnalǵan panno usynǵan.

Jumystardyń negizgi maqsaty - Qazaqstanda «Spıdkýbıngti» nasıhattaý.