Semeı ıadrolyq synaq polıgony aýmaǵyn qalpyna keltirý boıynsha qandaı jumystar júrgizilip jatyr
ASTANA. KAZINFORM - QR Atom energııasy jónindegi agenttigi jyl ishinde atqarylǵan jumystarynyń qorytyndylaý barysynda burynǵy Semeı ıadrolyq synaq polıgony aýmaǵyn qalpyna keltirý boıynsha atqarylyp jatqan jumystarǵa toqtalǵan.
Agenttiktiń málimdeýinshe bul baǵytta keshendi sharalar atqarylǵan.
- Zertteý nátıjeleri boıynsha lastanǵan jerlerdiń aýmaǵy 833 myń gektar, al sharýashylyqqa paıdalanýǵa jaramdy aýmaqtar 997 myń gektar bolyp aıqyndaldy. Semeı ıadrolyq qaýipsizdik aımaǵyn qurý jobasy iske asyrylyp jatyr, - delingen habarlamada.
Sondaı-aq agenttik 2026 jyly atom baǵdarlamasyn iske asyrýdyń kelesi kezeńine ótý josparlanyp otyrǵanyn habarldy.
Basym baǵyttardyń qatarynda «Balqash» AES qurylysy jobasy boıynsha Reseı Federatsııasymen úkimetaralyq kelisimderge qol qoıý, EPC-kelisimshartqa qol qoıý, salany 2050 jylǵa deıin damytý strategııasyn bekitý, radıoaktıvti qaldyqtarmen jumys isteý týraly zańdy qabyldaý, sondaı-aq halyqaralyq yntymaqtastyqty, óndiristi oqshaýlaýdy jáne kadrlardy daıarlaýdy odan ári damytý kózdelip otyr.
Osyǵan deıin Májilis tóraǵasy Erlan Qoshanov Qazaqstan atom energetıkasy dáýirine qadam basyp otyrǵany týraly aıtqan bolatyn.
