Semeı ýnıversıteti gospıtalinde júrekke 100-den astam operatsııa jasaldy

ASTANA. KAZINFORM — Qanaınalym júıesiniń aýrýlary Qazaqstan halqy arasynda eń kóp taralǵan ári ólimge jıi sebep bolatyn dertterdiń biri, dep habarlaıdy Densaýlyq saqtaý mınıstrliginiń baspasóz qyzmeti.

Sondyqtan bul baǵytta aýrýdyń aldyn alý sharalaryn kúsheıtip, sondaı-aq mamandandyrylǵan jáne joǵary tehnologııalyq medıtsınalyq kómekti damytý asa mańyzdy.

Semeı ýnıversıteti gospıtaliniń kardıohırýrgııa bólimshesinde 2025 jyly 101 ashyq júrekke operatsııa, onyń ishinde:

— 81 koronarlyq arterııany shýnttaý;
— qolqa men mıtraldyq qaqpaqshalardy 20 ashyq aýystyrý jasaldy.

Joǵary tehnologııalyq medıtsınalyq kómek aıasynda 19 túrli baǵyt boıynsha 140 ota (medıtsınalyq aralasý) jasaldy.

Ýnıversıtet gospıtaliniń kardıohırýrgııalyq qyzmeti Abaı oblysynyń turǵyndary úshin kardıologııalyq kómek kórsetý júıesiniń negizgi býynyna aınaldy.

Tehnologııalardy transfertteý jáne mamandardyń biliktiligin arttyrý maqsatynda aýrýhanaǵa Kardıologııa jáne ishki aýrýlar ǵylymı-zertteý ınstıtýtynyń basqarma tóraǵasy Rústem Tóleýtaev bastaǵan dárigerler toby bardy.

Delegatsııa kardıohırýrgııa bólimshesiniń, rentgen-endovaskýlıarlyq zerthananyń jáne balalar statsıonarynyń — óńirdegi balalarǵa arnalǵan jalǵyz kópbeıindi medıtsınalyq mekemeniń jumysymen tanysty.

Master-klass sheńberinde joǵary tehnologııalyq operatsııalar:

— jasandy qanaınalym jaǵdaıynda shaǵyn qoljetimdilik arqyly mıtraldyq qaqpaqshanyń plastıkasy;
— jasandy qanaınalym jaǵdaıynda shaǵyn qoljetimdilik arqyly qolqa qaqpaqshasyn protezdeý júrgizildi.

Buǵan deıin vedomstvo alqasynda mınıstr MSAK deńgeıinde QJA profılaktıkasy men erte dıagnostıkasyn kúsheıtýdi, óńirlerde kardıohırýrgııalyq kómektiń qoljetimdiligin keńeıtýdi, osy qyzmettiń kadrlyq áleýetin nyǵaıtýdy, sondaı-aq patsıentterdi ýaqtyly baǵyttaý úshin úılestirýdi kúsheıtýdi tapsyrǵan bolatyn.

Buǵan deıin balalardy shetelge kardıohırýrgııalyq emge joldaý 5,2 ese qysqarǵany aıtyldy.