Semeı turǵynynyń kóligin shaǵyp, ózin soqqyǵa jyqqan buzaqy ustaldy
SEMEI. QazAqparat – Semeı qalasy turǵynynyń kóligin shaǵyp, ózin soqqyǵa jyqqan buzaqy ustaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, «102» jedel arnasyna qońyraý shalǵan 45 jastaǵy er adam beıtanys bireýdiń buzaqylyq nıetpen «Toyota» markaly kóliginiń aldyńǵy áınegin shaǵyp, onymen qoımaı ózin soqqyǵa jyqqanyn aıtty. Oqıǵa qala kósheleriniń birindegi aýlada bolǵan.
«Jedel-izdestirý sharalaryn júrgizgen polıtsııa qyzmetkerleri 30 jastaǵy qala turǵynyn qolǵa túsirdi. Kúdikti óz kinásin moıyndap otyr. Sot-medıtsınalyq saraptama taǵaıyndaldy», - dep habarlady vedomstvo ókilderi.
Qazirgi ýaqytta atalǵan fakti boıynsha QR QK-niń 293-baby 1-bóligine sáıkes sotqa deıingi tergeý amaldary júrgizilýde.
