Semeı turǵynynyń kóligin órtep jibergen 35 jastaǵy er adam ustaldy
SEMEI. QazAqparat – Semeı qalasy turǵynynyń kóligin órtep jibergen 35 jastaǵy jigit ustaldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, «102» jedel arnasyna 18 jastaǵy jigit habarlasqan.
Óz sózinde ol túngi ýaqytta belgisiz bireýdiń úı aýlasynda turǵan «Nissan» avtokóligin órtep jibergenin jetkizdi.
Osynyń saldarynan jábirlenýshige 1 150 000 teńge mólsherinde materıaldyq zalal keltirilgen.
«Jedel-izdestirý sharalaryn júrgizgen polıtsııa qyzmetkerleri 35 jastaǵy kúdiktini ustady. Tergeý amaldary barysynda anyqtalǵandaı, er adam jábirlenýshiniń ákesimen birge úıde ishimdik ishken. Kenet olardyń arasynda janjal shyqqanda 18 jastaǵy jigit ákesi úshin arasha túsip, qonaqty uryp jiberdi. Buǵan ashýlanǵan er adam kóshege shyǵyp, temeki tuqylyn «Nissan Presea» avtokóliginiń salonyna laqtyryp, «VAZ-2199» kóliginiń terezelerin syndyryp ketken», - delingen aqparatta.
Qazirgi ýaqytta atalǵan fakti boıynsha QR QK-niń 202-baby 1-bóligine (Bótenniń múlkin qasaqana joıý nemese búldirý) sáıkes sotqa deıingi tergeý amaldary bastaldy.
