Semeı turǵynynyń altyn buıymdaryn alyp qoıǵan alaıaq ustaldy
SEMEI. QazAqparat - Semeıde qala turǵynynan asa iri kólemdegi altyn buıymdardy alaıaqtyq jolmen alyp qoıǵan áıel ustaldy. Bul týraly QazAqparat oblystyq ІІD baspasóz qyzmetine silteme jasap habarlaıdy.
Semeı qalalyq ІІB qala turǵyny aryz bergen. Aıtýynsha, «Laýra» esimdi asa tanys emes áıel altyn áshekeı buıymdaryn óz baǵasynan qymbatqa satyp beremin dep ýáde etken. Osylaısha quny 500 myń teńge bolatyn altyn áshekeılerin alyp ketken. Arada 4 aı ýaqyt ótken, alaıda ne aqsha, ne áshekeı buıymdar joq. Al álgi áıel túrli syltaý aıtyp, qońyraýǵa jaýap bermeı, kezdesýden qashyp júrgen.
Qazirgi ýaqytta ustalǵan áıelge qatysty sotqa deıingi tergeý isi bastaldy.
«Jedel izdestirý sharalary kezinde alaıaq áıeldiń jeke tulǵasy anyqtalyp, kúdikti retin 38 jastaǵy qala turǵyny ustaldy. Tergeý kezinde ol QR QK 190 baby, 1-shi tarmaǵy boıynsha ıaǵnı alaıaqtyq jasaǵanyn moıyndady. Endi 2 jylǵa bas bostandyǵynan aıyrylýy múmkin», - delingen baspasóz qyzmeti taratqan habarlamada.
