Semeı turǵynynan tankke qarsy mına tabyldy
ShQO boıynsha Qylmystyq atqarý júıesi departamenti baspasóz qyzmetiniń málimetine súıensek, tergeý ızolıatorlarynyń qyzmetkerlerine Óskemen jáne Semeı qalalarynyń eki turǵyny atys qarýy men oq-dárilerdi zańsyz saqtaǵany týraly jedel aqparat kelip tústi.
OV 156/1 mekemesiniń qyzmetkerleri bul habar habardy polıtsııaǵa jetkzdi. Budan soń, birlesken jedel-izdestirý sharalary qolǵa alynyp, onyń barysynda Semeı turǵyny óz úıinde TM-62m tankke qarsy mınany jasyrǵany anyqtaldy. Sondaı-aq túzetý mekemesiniń jedel bólimi ShQO Polıtsııa departamenti krımınaldyq polıtsııa basqarmasynyń qyzmetkerlerimen birge Óskemen turǵynynan 16 mm kalıbrli BM úlgisindegi tegis uńǵyly ańshy myltyǵyn tapty.
«Er adamdarda qarý ustaýǵa ruqsat qujattary bolǵan joq. Tárkilengen zattarǵa saraptama taǵaıyndaldy. QR QK-niń 287-babyna sáıkes (Qarýdy, oq-dárilerdi zańsyz satyp alý, berý, ótkizý, saqtaý, tasymaldaý nemese alyp júrý) sotqa deıingi tergeý amaldary júrgizilýde», - dedi ShQO boıynsha QAJD OV 156/1 mekemesiniń bastyǵy Qanat Júsipov.