Semeı turǵynynan 2 mln teńge qaryz alyp, elordaǵa qashyp ketken er adam tabyldy
SEMEI. QazAqparat – Semeı turǵynynan 2 mln teńge qaryz alyp, elordaǵa qashyp ketken er adam tabyldy, dep habarlaıdy QazAqparat tilshisi.
Semeı qalalyq PB Kóshi-qon qyzmetine júgingen jeke sot oryndaýshysy 38 jastaǵy azamattan jeke kásipkerdiń paıdasyna 2 000 000 teńge kóleminde qaryzdy óndirip alý týraly qaýly shyǵardy.
«Belgili bolǵandaı, boryshker aqshany qolhatpen alǵan. Biraq bes aı boıy qaryzdy qaıtarmaı keldi. Jábirlenýshi sot oryndaýshylaryna júgingenimen boryshkerdiń ornalasqan jerin anyqtaý múmkin bolmady. Óıtkeni ol tirkelgen meken-jaıy boıynsha turmaǵan. Sondyqtan er adamǵa izdeý jarııalandy. Kóp uzamaı tártip saqshylary boryshkerdiń Nur-Sultan qalasyna ketip qalǵanyn anyqtaǵan. Tıisti aqparat qaryzdy óndirý úshin sot oryndaýshysyna berildi», - dedi ShQO PD kóshi-qon qyzmeti basqarmasynyń bastyǵy Erbol Bekpaev.
Aıta keteıik, Kóshi-qon qyzmetiniń ókilderi alıment tólemegeni úshin izdestirilip jatqan adamdardyń jáne nesıesin nemese qaryzyn ótemegen boryshkerlerdiń qaıda ekendigin anyqtaý boıynsha turaqty túrde jumys júrgizýde. Jyl basynan beri olar osyndaı 100-den astam azamat tabyldy.
