Semeı turǵynyn uryp-soǵyp, 800 myń teńgelik telefonyn alyp ketken
SEMEI. QazAqparat – Semeı qalasy turǵynynyń 800 myń teńgelik telefonyn urlap ketti, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, aqpan aıynyń basynda «102» jedel arnasyna qońyraý shalǵan 51 jastaǵy er adam qala kósheleriniń qıylysynda kele jatqanda belgisiz bireýdiń ózin uryp-soǵyp, uıaly telefonyn tartyp alǵanyn aıtqan. Osynyń saldarynan oǵan 800 myń teńge mólsherinde materıaldyq zalal keltirildi.
«Jedel-izdestirý sharalaryn júrgizý barysynda polıtsııa qyzmetkerleri Borodýlıha aýdanynyń 30 jastaǵy turǵynyn ustady. Kúdikti óz kinásin moıyndap otyr», - dep habarlady vedomostvo ókilderi.
Qazirgi ýaqytta atalǵan fakti boıynsha QR Qylmystyq Kodeksiniń 191-baby 2-bóliginiń 1-tarmaǵyna sáıkes sotqa deıingi tergeý amaldary júrgizilýde.
