Semeı turǵyny shuńqyr saldarynan tesilgen dońǵalaǵynyń qunyn tóletkizdi
ASTANA. QazAqparat - Semeıde sot Jolaýshylar kóligi jáne avtomobıl joldary bóliminen qala turǵynyna dońǵalaǵy joldaǵy shuńqyr saldarynan jarylǵany úshin 19 375 teńge mólsherinde ótemaqy óndirý týraly sheshim shyǵardy, dep habarlaıdy «QazAqparat» HAA qalalyq sottyń baspasóz qyzmetine silteme jasap.
"Semeı turǵyny «Skoda» markaly avtomobıliniń dońǵalaǵy joldaǵy shuńqyr saldarynan jarylǵanyn aıtyp, «Semeı qalasy Jolaýshylar kóligi jáne avtomobıl joldary bóliminiń ústinen» sotqa shaǵym túsiredi. Semeı qalalyq soty materıaldyq zalaldy óteý jónindegi azamattyq isti qarap, QR Azamattyq kodeksiniń 917-babynyń 1-tarmaǵyna sáıkes sheshim shyǵardy" delingen baspasóz baıanynda.
Sheshim zańdy kúshine engen joq.
