Semeı turǵyny órtengen úıden kórshisin qutqardy
SEMEI. QazAqparat – Semeı qalasynyń turǵyny órtengen úıde esinen aıyrylyp qalǵan kórshisin qutqardy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, órt 26 jeltoqsanda saǵat 21.39-da Baısalyqov kóshesinde bolǵan. Jer úıdegi asbólme tóbesiniń aǵash qurylymdary, jıhazdar, jeke zattar men esikti jalyn sharpydy.
«Oqıǵa ornyna órt sóndirýshiler kelip jetkenshe kórshi Aleksandr Mýhamedshın esinen aıyrylyp qalǵan 1989 jylǵy úı ıesin syrtqa alyp shyqty. Jedel járdem qyzmetkerleri birden oǵan alǵashqy medıtsınalyq kómek kórsetken. Denesin kúıik shalǵan azamat jansaqtaý bólimine jetkizildi», - dep habarlady vedomstvo ókilderi.
Órt sóndirýshiler tilsiz jaýdy aýyzdyqtaý barysynda jylytý peshiniń mańynan er adamnyń máıitin tapty.
Aıta keteıik, jalynnyń shyǵý sebebi – otpen abaısyz áreket etýden bolýy múmkin.
