Semeı turǵyny alqaptan 600 keli qarbyzdy urlap, satyp jibergen
SEMEI. QazAqparat – Semeı qalasynyń turǵyny alqaptan 600 keli qarbyzdy urlap ketken, dep habarlaıdy QazAqparat tilshisi.
Qalalyq polıtsııa basqarmasy baspasóz qyzmetiniń málimetine súıensek, 5 qyrkúıek kúni saǵat 20.24-te polıtsııa bólimshesine sharýa qojalyq ıesi qońyraý shalǵan.
Onyń aıtýynsha, 1-5 qyrkúıek aralyǵynda belgisiz bireýler alqabynan 600 keli qarbyzdy urlap ketken. Osynyń saldarynan 78 myń teńge mólsherinde materıaldyq shyǵyn kelipti.
«Jedel izdestirý sharalary barysynda turaqty jumys orny joq 1980 jylǵy shahar turǵyny ustaldy. Ol óz kinásin moıyndap otyr. Er adam barlyq qarbyzdy satyp úlgergen. Atalǵan fakti boıynsha QR Qylmystyq kodeksiniń 188-baby 1-bóligimen sotqa deıingi tergeý amaldary júrgizilýde» delingen vedomstvo málimetinde.
