Semeı turǵyny 5 mln teńgelik mototsıkldi urlap ketti
ÓSKEMEN. QazAqparat – Semeı qalasynyń turǵyny 5 mln teńge turatyn mototsıkldi urlap ketken, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetinshe, tártip saqshylaryna habarlasqan azamat maýsymnyń 19-nan 20-na qaraǵan túni shaǵyn avtobýsyna belgisiz bireýlerdiń kirip sonyń ishinde turǵan sporttyq mototsıkldi, komýflıajdy, shlemdi, qolǵap pen kózildirikti jymqyryp ketkenin aıtty. Osynyń saldarynan jábirlenýshige 5 000 000 teńge mólsherinde materıaldyq shyǵyn keltirilgen.
«Jedel-izdestirý sharalary barysynda 22 jastaǵy jumyssyz er adam ustaldy. Buryn sotty bolǵan ol óz kinásin moıyndap otyr. Urlanǵan dúnıe-múlik ıesine qaıtaryldy. Kúdiktige qatysty sotqa deıingi tergeý amaldary júrgizilýde», - dep habarlady vedomstvo ókilderi.
Aıta keteıik, qala turǵynynyń budan basqa kóliktegi zattardy urlaýǵa qatysty taǵy da 4 qylmysqa qatysy bar ekendigi anyqtalǵan.
