Semeı turǵyndarynyń atyna 19 mln teńgege nesıe rásimdegen alaıaq ustaldy
SEMEI. QazAqparat – Semeıde ózin lombard qyzmetkeri retinde tanystyrǵan áıel qala turǵyndarynyń atyna onlaın nesıe rásimdegen, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetinshe, tártip saqshylary iri kólemde alaıaqtyq jasaǵan 28 jastaǵy áıel adamǵa qatysty sotqa deıingi tergeý amaldaryn aıaqtady.
«Buryn sotty bolǵan ol túzelgenniń ornyna qaıtadan qylmys jasaǵan. Tergeýshilerdiń anyqtaýynsha, ózin avtolombard qyzmetkeri retinde tanystyrǵan áıel kepildikke qoıylǵan múlikti tómen baǵada satatyndyǵyn aıtqan. Jábirlenýshilerdiń senimine kirip qujattarynyń kóshirmelerin alǵannan keıin olardyń atynan onlaın nesıe rásimdegen. Osylaısha alaıaq 12 adamdy 19 mıllıon teńgege jýyq shyǵynǵa batyrdy», - dep habarlady vedomstvo ókilderi.
Sonymen qatar Óskemen qalasynda 18 adamdy tuzaqqa túsirip, 9 mln teńgeden astam paıda kórgen 41 jastaǵy er adam ustaldy. Ol turǵyndarǵa áleýmettik baǵdarlama boıynsha páter alýǵa kómektesetindigin aıtyp, aldaǵan.
