Semeı turǵyndarynyń 95 paıyzy maska rejımin saqtaýda
SEMEI. QazAqparat – Semeı qalasy turǵyndarynyń 95 paıyzy maska rejımin saqtaýda, dep habarlaıdy QazAqparat tilshisi.
Shyǵys Qazaqstan oblysy bas memlekettik sanıtarlyq dárigeriniń qaýlysyna sáıkes koronavırýs ınfektsııasynyń taralýyn boldyrmaý úshin jurtshylyq qoǵamdyq oryndarda maska kıip júrýi kerek. Maska rejıminiń saqtalýyn baqylaý úshin arnaıy qurylǵan monıtorıngtik top reıdter júrgizýde. Reıd barysynda anyqtalǵandaı, shahar turǵyndarynyń 90-95% sanıtarlyq normalardy saqtaýda.
«Búginde qalada monıtorıngtik toptar jumys istep, azamattarǵa maska kııý qajettiligi týraly túsindirý jumystaryn júrgizip jatyr. Mundaǵy maqsat - halyqtyń densaýlyǵyn qorǵaý jáne vırýstyń taralýyn boldyrmaý. Eger adam sanıtarlyq rejım erejelerin saqtamasa, oǵan aıyppul salynady», - dedi qalalyq Taýarlar men kórsetiletin qyzmetterdiń sapasy men qaýipsizdigin baqylaý basqarmasynyń bas mamany Aıshýaq Maǵjanuly.
Aıta keteıik, zań boıynsha maska rejımin buzǵandar 30 AEK (83 340 teńge) mólsherinde aıyppul tóleýge mindetteledi.
