Semeı turǵyndary jaz boıy ystyq sýsyz otyrady

SEMEI. QazAqparat – Semeı qalasynyń turǵyndary jylý jelilerindegi jóndeý jumysyna baılanysty jaz boıy ystyq sýsyz qaldy, dep habarlaıdy QazAqparat tilshisi.

«Bıyl jazda kásiporynnyń jylý jelilerinde jóndeý jumystary júrgiziledi. Osyǵan baılanysty ystyq sý óshiriledi. Qys kezinde jylý kózderi men jylý jelileriniń toqtaýyna ákelip soqqan aqaýlar boldy. Buǵan magıstraldyq qubyrdaǵy ilmekti armatýralardyń qanaǵattanarlyqsyz jaǵdaıy sebep», - dep habarlady «Teplokommýnenergo» MKM qyzmetkerleri.

Sondyqtan apatty ýchaskelerdegi jylý jelileri men ilmekti armatýralar aýystyrylmaq.

«Jylý kózderi men jylý jelilerine jóndeý jáne daıyndyq jumystary júrgizilmese, 2022-2023 jyldardaǵy jylytý kezeńinde qalany jylýmen qamtamasyz etý qıynǵa soǵady. Turǵyndardy túsinistik tanytýǵa shaqyramyz», - delingen aqparatta.

Esterińizge sala ketsek, osyǵan deıin Semeıde bıyl 5 myńǵa jýyq páter salynatynyn habarlaǵan edik.