Semeı temirjol stansysynda órt boldy
ASTANA. 6 jeltoqsan. QazAqparat - Semeı temirjol stansysynda iri órt bolyp, adamdar qaýipsiz jerge kóshirildi,
dep habarlady QR TJM baspasóz qyzmetinen.
Búgin túnde Semeı stansysy vokzaly mańyndaǵy alańdaǵy tórt qabatty elektrotehnıkalyq ortalyqtandyrý beketi qyzyl jalynǵa orandy.
«Ǵımarattyń 3-4 qabattarynan shyqqan órt 380 sharshy metr aýmaqty sharpydy. Tótenshe oqıǵa ornynan 20 adam qaýipsiz jerge kóshirildi», - delingen vedomstvo aqparatynda.
Qyzyl jalyndy aýyzdyqtaýǵa QR TJM Shyǵys Qazaqstan oblystyq tótenshe jaǵdaılar departamenti jeke quramynyń 101 mamany men 17 tehnıkasy jumyldyryldy.
